Генералниот секретар на НАТО, Јенс Столтенберг ја предупреди Русија за чекорите кои ги презема. Столтенберг изјави дека НАТО „внимателно ќе следи“ што прави Русија.

Рускиот претседател Владимир Путин би ја преминал „многу важната линија“ доколку нареди употреба на нуклеарно оружје во Украина. 

Во следните денови и НАТО и Русија планираат воени вежби. Станува збор за вежба наречена „Стабилно пладне“.  Овие маневри се одржуваат секоја година и траат околу една недела. Тие вклучуваат борбени авиони способни да носат нуклеарни боеви глави, но не вклучуваат боева муниција. Русија обично спроведува свои вежби во исто време. Инаку, НАТО веќе најави дека и натаму ќе ја поддржува Украина.