Глобалната трговија оваа година ќе порасне за 3,3 отсто, предвидува Светската трговска организација, која ја намалила претходната прогноза за раст од 4,5 отсто поради долготрајните проблеми во Европа. Тоа е втор пат СТО да ја намали прогнозата за раст на трговијата во 2013 година, по првобитните оценки од 5,6 отсто. -Подобрата економска прогноза за САД во 2013 година само делумно ќе ја намали долготрајната слабост во Европската унија, чија економија, според прогнозите, ќе стагнира па дури и ќе забележи благ пад“, наведува СТО. -Економскиот раст на Кина и понатаму ќе биде највисок меѓу водечките економии, но извозот на таа земја ќе биде ограничен поради слабата побарувачка од Европа“, додава организацијата, напоменувајќи дека и покрај тоа 2013 година ќе биде скоро идентична како и претходната кога станува збор за трговијата.