Унгарија сака итен прекин на огнот во Украина, вели унгарскиот премиер Виктор Орбан. 

Тој се сретна со францускиот претседател Емануел Макрон во Париз за да разговараат за билатералните односи и најважните аспекти од иднината на Европа.

Како што јави агенцијата МТИ, Орбан изјавил дека Унгарија сака мировни преговори во Украина. Орбан потсетил дека Унгарија е за мир од почетокот на војната и така ќе остане и во иднина. Тој се сретнал со поранешниот француски претседател Никола Саркози, со кого разговарал за билатералните односи меѓу двете земји и меѓународните проблеми, како што е војната во Украина и европските политики. Унгарија беше загрижена затоа што во Украина војуваат и тамошните граѓани од унгарска националност, кои како што рекоа гинат во првите редови.