90 отсто од луѓето кои ја примиле руската вакцина Спутник V развиваат долгорочен имунитет, покажува истражувањето на аргентинскиот државен совет за научни и технолошки прашања.

Министерот за здравство на Аргентина, Даниел Голан, вели дека кога Т-клетките повторно ќе се сретнат со вирусот, тие брзо произведуваат антитела и клетки убијци кои го уништуваат вирусот.

-Одговорот на Т-клетките покажува дека заштитата останува долго време. Остануваат мемориски лимфоцити кои го снимаат вирусот и го паметат”, изјави Голан.

Руските агнеции, пак, анализираат дека податоците собрани од повеќе земји, вклучувајќи ги Србија, Бахреин, Унгарија, Мексико и други, покажуваат дека „Спутник V“ е една од најбезбедните и најефикасните вакцини против коронавирус.