Австрија нарача најголеми количини на вакцина „АстраЗенека“, но граѓаните не и веруваат, покажува истражувањето, што покажува дека дури и сè уште неодобрената руска вакцина „Спутник V“ ужива двојно повеќе позитивни мислења од порачаната вакцина.

Според истражувањето на „Институтот за управување и економски науки“, вакцината на компанијата „Џонсон и Џонсон“ најдобро котира во германското говорно подрачје, иако сè уште нема добиено одобрение.

Веднаш зад оваа вакцина стои вакцината „Бионтек-Фајзер“ и Модерна.

Интересно е што „Спутник V“ веќе стои зад Модерна, додека АстраЗенека ја ужива довербата на граѓаните на ниво на кинеската вакцина, што не е ни позната за населението од овој дел на Европа. .

Вакцината „Спутник“ се споменува почесто, како вакцина на која им веруваат, во Австрија отколку во Германија.

Инаку, истражувањето се потпира на публикации, како во медиумите, така и на социјалните мрежи, односно позитивен или негативен контекст.