Група руски специјалци се подготвуваат да прегледаат еден од регионите во Шкотска, каде што ќе се одржат воени вежби на НАТО, објави на сајтот на Министерството за одбрана и началникот на Националниот центар за ограничување на нуклеарната опасност Сергеј Рижков.

Проверката ќе биде извршена меѓу 13 и 16 април во рамките на Виенскиот документ од 2011 година за мерките за зајакнување на довербата и безбедноста.

Станува збор за вежбите „Joint Warrior“, во кои ќе учествуваат војници од Белгија, Канада, Данска, Финска, Франција, Германија, Холандија, Норвешка, Португалија, Шпанија, Шведска, Турција, Велика Британија и САД.

Целта на инспекцијата е одредување на степенот на воените активностите кои се предмет на претходно известување. Инспекторите ќе ги посетат воените полигони и ќе добијат информации од командата за спроведување на воената активност.