Талинда Бенингтон, сопругата на пејачот Честер кој се самоуби, за прв пат проговори во јавноста и им порача на фановите дека ја чуствува нивната поддршка, љубов но, тешко се справува со загувата.

„Имавме прекрасен живот, кој сега стана Шекспирова трагедија. Како да си го кренам духот?“, напиша Талинда Бенингтон.

Талинда Бенингтон појасни дека сака „обожавателите во целиот свет да знаат дека ја чувствува нивната љубов”.

Честер Бенингтон се обеси во спалната соба во својот дом во близина на Лос Анџелес минатата недела откако долги години се борел со депресијата, но не можел да изнајде решение. Тој го предводеше бендот Линкин Парк со милиони фанови ширум светот и беше симбол на младите во минатата деценија.