Сафа Кербог живее во камп изграден по смртоносниот земјотрес во Турција. Таа е бегалка од Сирија, а во Турција дошла кога имала три години и се заљубила во фудбалот растејќи во камповите, наведува BBC.

„Некои ми рекоа дека фудбалот е спорт за момчиња, но јас им реков дека нема разлика. Јас не слушам никого и правам што сакам“, вели Сафа.

Таа живеела во бегалски кампови девет години, а неодамна се преселила во стан во Турција со своето семејство.

Нивниот нов дом за жал е униште во земјотресот и мораа повторно да се вратат во шаторите.

Сега во кампот, Сафа го поминува времето играјќи фудбал со својата помлада сестра додека сонуваат еден ден да излезат на теренот со Кристијано Роналдо или Килијан Мбапе.