Ноќта на 1 јануари, руската армија лансираше ирански камиказе беспилотни летала Шахед во Киев и други градови во Украина. Според украинските воздухопловни сили, 45 беспилотни летала биле уништени над земјата на новогодишната ноќ: 13 биле соборени пред Нова година, а 32 во 2023 година.

Шефот на Киевската регионална администрација, Олексиј Кулеба, напиша дека руските беспилотни летала се насочени кон објекти на енергетската инфраструктура. „Прелиминарно, нема жртви. Оштетувања има на инфраструктурнии објект. Службите за итни случаи работеа на местата на несреќата цела ноќ“, објави Кулеба.

Шефот на Националната полиција на Украина Андриј Небитов објави фотографија од соборен дрон со натпис „Среќна Нова Година“.

Според прелиминарните податоци, во Киев нема жртви или повредени. Иранските напади со беспилотни летала го погодија Киев само неколку часа по масовниот ракетен напад врз главниот град на Украина.