За да добијат отсуство од настава, ученици во Британија нашле начин како да ги лажираат брзите ковид тестови.

Британските ученици употребуваат сок од портокал за да го лажираат брзиот ковид-тест. 

Како што пишува „Гардијан“, најверојатно киселоста на овој освежителен пијалак, влијае на резултатот на тестот. Ефектот, наводно, е виден и со голем број други намирници и пијалоци, вклучувајќи кечап и „Кока-кола“. Ова, според некои наставници, учениците го користат како одлична можност да добијат две недели ослободување од училиште. Џон Дикс, професор на Универзитетот во Бирмингем, ја критикува оваа нова практика.

„Лажно-позитивниот тест влијае не само врз детето, туку и врз неговото семејство и училишната средина и затоа е себично да се направи тоа. Постојат многу помалку штетни начини за да се отсуствува од училиште“, вели тој.

Трикот беше прикажан и на социјалната мрежа Тик-Ток. 

foto freepik