Кипар има потреба од 17 милијарди евра помош од меѓународните кредитори за спас на економија, изјави денеска кипарскиот министер за финансии Васос Шиарли. - Износот се движи околу 17 милијарди евра, изјави Шиарли пред новинарите. Независната ревизија на кипарските банки се уште е во тек, а конечните податоци се уште не се објавени. Американската рејтинг агенција „Фич“ вчера го намали кредитниот рејтинг на кипарскиот долг за два степени на „ББ-“, од „ББ+“, со негативна прогноза, што значи дека може да следи дополнително намалување. Кипар во јуни побара од Европската унија помош за спас, но преговорите почнаа дури кон средината на нoември.