Едвард Сноуден, ја напушти транзитната зона на аеродромот во Москва и влезе во Русија, изјави неговиот адвокат, Анатоли Кучерна. Како што информира тој, на Сноуден му биле издадени документи кои му овозможуваат да го напушти аеродромот „Шереметјево“ во Москва каде што тој беше заглавен по доаѓањето од Хонг Конг на 23 јуни. Кучерна потврди дека на Сноуден му е дозволен привремен азил од една година во Русија. Адвокатот за државната телевизија „Русија 24“ изјави дека Сноуден заминал на неоткриена безбедна локација. „Безбедноста е многу сериозна работа за него“ - изјави рускиот адвокат.