Рускиот претседател Владимир Путин ја деградираше ФСБ по неуспехот во првата фаза од офанзивата и дојавата дека војниците одбиваат да извршуваат наредби во Украина, пишува британски „Телеграф“.

Наместо ФСБ, бруталната руска воена шпионска единица ГРУ, која се обиде да го убие Сергеј Скрипал во Солсбери во 2018 година, доби команда над руските разузнавачки операции во Украина, додава Телеграф.

Во војната беа убиени неколку руски генерали, а беа уништени и други важни цели, како што е водечкиот брод на руската Црноморска флота.

Назначувањето на ГРУ во Украина треба да ги подобри перформансите на руската армија, изјави Андреј Солдатов, истражувач и академик специјализиран за руската шпионска заедница.

- Тоа, секако, ќе биде поефикасно на бојното поле. Контактот со единиците е подобар, логистиката е подобра - рече тој.

Новиот човек задолжен за собирањето разузнавачки информации на Путин во Украина е генерал-полковник Владимир Алексејев, кој учествуваше во напади и обиди за атентат на Запад.

– Велика Британија и Европската унија го обвинуваат Алексеј дека го надгледувал нападот со хемиско оружје во Солсбери 2018. Тој е искусен специјален агент, а САД го санкционираа и за директно сајбер мешање во американските избори во 2016 година – изјави Солдатов.

Во 2012 година, генералот Алексејев беше унапреден во прв заменик-шеф на ГРУ.

- Алексејев водеше воена операција во Сирија и беше вклучен во конфликтот во Донбас. Колегите офицери го сметаат за брутален и самоуверен до степен на немилосрдност. Секогаш е подготвен да убие - изјави Солдатов.

Извор: Курир.рс 

Фото: EPA