Мерките за безбедност за дочек на Новата година во Њујорк ќе бидат на највисоко ниво, изјавил синоќа градоначалникот Бил де Блазио.

„Големата јаболка“ е многу популарна дестинација за 31 декември, а секоја година околу милион луѓе се собираат на познатиот „Тајмс Сквер“, соопштуваат агенциите.

Де Блазио изјавил за локалното радио дека оваа година во Њујорк е спремен и планира големи мерки на безбедност за новогодипните празници.

Градоначалникот додал дека огромен број на полицајци ќе бидат присутни на улиците, вклучувајќи и голем број на припадници од антитерористичките сили.

По париските напади во ноември, на едно од пропагандните видеа на терористичката организација „Исламска држава“ се прикажани Њујорк и Тајмс Сквер“, потсетуваат агенциите.