Спасувачките тимови спасија речиси 1.000 луѓе заглавени во различни делови на Хималаите, откако обилните дождови во северна Индија предизвикаа голема штета и загинаа најмалку 12 лица, соопштија властите.

Во главниот град Њу Делхи доцна синоќа паднаа до 147 милиметри дожд во источните делови на градот и неговите предградија, соопшти индиската метеоролошка служба, пренесе Ројтерс.

Најмалку седум лица загинаа во Њу Делхи, јавија локалните медиуми.

Три лица загинаа, а делови од два моста беа однесени од поројни дождови во индиската држава Утаракханд, соопштија властите.

Во соседната држава Химачал Прадеш, две лица загинаа, а речиси 50 се водат како исчезнати по поплавите предизвикани од дождовите, соопштија властите.

Некои климатски експерти ги припишуваат екстремните врнежи, поројните поплави и смртоносните лизгања на земјиштето во планините во Индија, Пакистан и Непал во изминатите неколку години на климатските промени.