Ако Романија остане официјален осомничен, последиците од скандалот со коњско месо за романското земјоделство може да бидат посериозни од оние од минатогодишната суша, најави романскиот премиер Виктор Понта. Тој предупреди дека опасноста за Романија е голема, а кризата се уште трае.

„Ако Романија остане официјален осомничен во целиот тој огромен скандал, сметам дека тоа ќе биде полошо отколку сушата минатата година, во цела Европа би се зборувало дека во Романија се вршат злоупотреби, се фалсификува потеклото или видот на прехранбените производи“, изјави романскиот премиер.

Тој истакна дека се уште не можат да се пресметаат загубите за романските производители од скандалот со коњското месо.