Тимот на специјалната обвинителка, Катица Јанева го испитува случајот за убиството на Мартин Нешковски, кој беше претепан до смрт од полицаец на должност за време на прослава на ВМРО-ДПМНЕ на скопскиот плоштад пред 4 години.

Ова го потврди Јанева, која додаде дека до неа пристигнале и барања и за преземање на предметите за случајот Диво Насеље, Монструм, Сопот и Ровер, но тие се во фаза на разгледување, а дополнително специјалното обвинителство ќе процени дали ќе ги преземе во нивна надлежност.

„Сите се во преглед на разгледување, кога ќе добиеме конкретни информации ќе излеземе на прес-конференција" - рече специјалната обвинителка.

Специјалното јавно обвинителство досега се прогласи за надлежно за 36 предмети, а предметот за Нешкоски е поднесен до специјалното обвинителство на барање на братот на починатото момче.