Премиерот на Франција Мануел Валс изјавил дека стравува оти во несреќата на авионот „Ербас“ кој се урна во  француските Алпи може да загинале меѓу 142 и 150 лица. Според претседателот Франсоа Оланд, најверојатно нема преживеани. [embed width="700" height="450" ]https://www.youtube.com/watch?v=X3JdgyvtdGw[/embed] Авионот е во сопственост на нискобуџетната компанија „Germanwings“, сопственост на „Луфтханза“. И двете компании не се достапни за коментар. Речиси еден месец „Луфтханза“ е парализирана од огромниот штрајк на работниците. „Околностите околу инцидентот, кои се уште не се разјаснети, не тераат да мислиме дека нема преживеани“, изјавил претседателот на Франција Франсоа Оланд. [embed width="700" height="450" ]https://www.youtube.com/watch?v=7pZEeZEPenw[/embed]   Тој го нарече инцидентот „трагедија“ и повика на солидарност со жртвите. Претседателот прецизира дека регионот во кој се урна авионот, е многу тежок за истражување.