Шверцерите на мигранти веќе се впуштаат и во еден друг „црн“ бизнис со органи.

Сиромашните бегалци, кои не се способни за платат за преминувањето на Медитеранот, шверцерите ги поврзуваат со трговците на органи, пишува списанието „Њусвик".

Италијанските власти добиле информации за такви трансакции при испрашувањето на еден од уапсените во 2014 година. Нуредин Ата сведочеше откако станал заштитен сведок, пишува Интерфакс.

Првично тој добил од италијански суд пет години затвор за соучесништво во сообраќај. На соработка со властите Нуредин Ата се решил, бидејќи бил сведок на трагичниот инцидент на островот Лампедуза во октомври 2013 година, кога во морето загинаа повеќе од 359 лица.

Според неговите сведоштва загинатите всушност се значително повеќе.

Ата објаснил дека сиромашни мигранти се предавале на Египќани, кои ги убивале и продавале нивните органи за 15.ооо евра. Шверцерите исто така тргувале и со органи на удавени или починале на пат за Италија.

Благодарение на неговите индикации е откриена мрежа за меѓународен шверц на луѓе. Според доставените до овој момент информации мрежата е базирана со канцеларија во Рим, а при претресот се запленети 586.000 евра.