21-годишниот Николас, најмладиот син на популарниот актер Жан Клод Ван Дам, во Аризона бил приведен откако го фатиле како дивее под дејство на дрога и се заканува со нож.

Кога пристигнала полицијата, во ходникот биле забележани траги од крв, а вратата од станот ја отворил неговиот цимер. Ван Варенберг имал повреда на раката, но одбил да повика итна помош.

Само 20 минути подоцна неговиот цимер истрчал од станот и ја повикал полицијата да се врати. На полицајците им раскажал дека Николас го затворил во собата и му се заканувал со нож, бидејќи претходно им ја отворил вратата на полицијата.

Николас потоа бил уапсен и обвинет за напад со смртоносно оружје и поседување на наркотични средства.