Украинскиот претседател Володимир Зеленски денеска објави дека во Киев се сретнал со Хауард Бафет, американски филантроп и син на милијардерот и познат инвеститор Ворен Бафет. Тие разговараа за обнова на Украина, рече Зеленски.

„Разговаравме за помош што би значело многу за Украина. Му понудив можност да се приклучи на проекти за обнова на системот за наводнување во регионот на Одеса, што ќе му помогне на нашиот народ“, рече Зеленски.

Хауард Бафет е директор на Berkshire Hathaway Inc., инвестициски конгломерат основан од неговиот татко Ворен. Тој е и шеф на фондацијата Хауард Г. Бафет. Фондацијата е опишана како една од најголемите американски приватни добротворни организации, а на крајот на 2020 година имала средства во вредност од повеќе од половина милијарда долари.

На веб-страницата на фондацијата се наведува дека нејзини приоритети се глобалната безбедност на храната, јавната безбедност и мирното решение на конфликтот.

https://www.facebook.com/100007211555008/videos/3030799877173037/