СИЛЕН ЗЕМЈОТРЕС ВО ИРАН - три лица загинаа, над 300 се повредени
Силен земјотрес го погоди Иран. Од досегашните информации се знае дека погинале три лица, а повредени се над триста граѓани.
Земјотресот е со јачина од 5,9 степени според Рихтеровата скала и го погоди северозападниот дел на Иран во близина на границата со Турција.
Земјотресот бил на мала длабочина од седум километри, со епицентар во близина на градот Хоџа.
Според извештаите на локалните власти и медиумите, земјотресот со висок интензитет, како и последователните послаби потреси, биле почувствувани во неколку градови, меѓу кои и Урмија, главниот град и најголемиот град на покраината, јавува ТРТ.
Во соопштението на иранските служби за итни случаи, се наведува дека спасувачките екипи се на местото на настанот, пренесува Ројтерс.
#Earthquake 8 km SW of #Khvoy (#Iran) 24 min ago (local time 21:44:47). Updated map - Colored dots represent local shaking & damage level reported by eyewitnesses. Share your experience via:
— EMSC (@LastQuake) January 28, 2023
https://t.co/LBaVNedgF9
https://t.co/5x4zJEbeoY pic.twitter.com/biDszA7qF1
Европско-медитеранскиот сеизмолошки центар соопшти дека земјотресот бил почувствуван и во Турција, Ирак, Ерменија и Азербејџан.
Слично
Поврзани вести
