Најмалку 10 лица загинаа во земјотресот со јачина од 5,6 степени според Рихтеровата скала што денеска ја потресе индонезиската провинција Западна Јава, изјави локалниот претставник Херман Суерман.

Претставник на владата во Сианџур, градот во Западна Јава, каде што се наоѓаше епицентарот на земјотресот, изјави за ТВ Метро дека до 20 лица починале во болница во областа, пренесе Ројтерс.

Агенцијата за метеорологија и геофизика БМКГ утринава соопшти дека земјотрес со јачина од 5,6 степени според Рихтеровата скала неколку секунди ја потресе индонезиската престолнина Џакарта.

#Earthquake (#gempa) possibly felt 49 sec ago in #Indonesia. Felt it? Tell us via:
https://t.co/LBaVNdVFgz
https://t.co/AXvOM7qtuH
https://t.co/wPtMW5w1CT
Automatic crowdsourced detection, not seismically verified yet. More info soon! pic.twitter.com/NKVXnD4mJG

— EMSC (@LastQuake) November 21, 2022

Во истото соопштение се наведува дека епицентарот на земјотресот бил во градот Чианџур во Западна Јава, на длабочина од 10 километри. Се додава дека нема потенцијал за цунами.

Некои луѓе ги евакуираа канцелариите во централниот деловен кварт на Џакарта, додека други изјавија дека чувствуваат дека зградите се тресат и гледаат како мебелот се движи, изјавија очевидци за Ројтерс.

Новинарите на Франс прес објавија дека добиле инструкции да ја напуштат редакцијата.

Индонезија се наоѓа на „огнениот појас“ на Пацификот, поради што често е погодена од земјотреси.