Пред две години, синоптичарите во Велика Британија спроведоа интересен мисловен експеримент: Како ќе изгледаат нашите прогнози во 2050 година?, објавува Си-Ен-Ен.

- Климатската криза го турка времето до крајни граници низ целиот свет, а температурите во северните географски широчини беа особено чувствителни на овие промени. Така, метеоролозите од Метеоролошката канцеларија на Обединетото Кралство - официјалната агенција за временска прогноза за Обединетото Кралство - се насочуваат кон супер долготрајните климатски модели во летото 2020 година за да видат какви температури ќе прогнозираат за околу три децении - пишува овој светски медиум.

Иако е напоменато дека овие прогнози, не се реални, сепак, Си-Ен-Ен става акцент на температурите кои се очекуваат со Европа следната недела, кога се очекува топлотен бран низ голем дел од земјите. 

- Па, во понеделник и вторник, „веројатното“ станува реалност -- 28 години порано - објави Си-Ен-Ен.

Сајмон Ли, атмосферски научник од Универзитетот Колумбија во Њујорк, ја забележа впечатливата сличност помеѓу изгледите за 2050 година и прогнозата за почетокот на следната недела во ОК.

„Денес, прогнозата за вторник е шокантно речиси идентична за големи делови од земјата“, твитна Сајмон, додавајќи во подоцнежната објава дека „она што доаѓа во вторник дава увид во иднината“.

In 2020, the @metoffice produced a hypothetical weather forecast for 23 July 2050 based on UK climate projections.

Today, the forecast for Tuesday is shockingly almost identical for large parts of the country. pic.twitter.com/U5hQhZwoTi

— Dr Simon Lee (@SimonLeeWx) July 15, 2022

За 30 години, оваа прогноза ќе изгледа прилично типична.

Се прогнозира дека на почетокот на следната недела во Велика Британија температурите ќе бидат за 10 до 15 степени повисоки од нормалните. Највисоките температури може да се приближат до 40 степени Целзиусови за прв пат - предвидување што ги поттикна метеоролозите таму да издадат „црвено“ предупредување за топлина за прв пат досега.

Да бидеме појасни, ова ќе биде навистина рекордна топлина. Најжешката температура во земјата измерена досега беше 38,7 степени Целзиусови во ботаничката градина во Кембриџ во 2019 година.