Пожарот околу Чернобил е локализиран и ставен под контрола, пожари екипи продолжуваат да го гаснат огнот, соопшти "Украинска правда".

"Кон 6 часот на 29 април фронтот на пожарот е опколен и запрен. Ситуацијата е под контрола", се вели во соопштението на сајтот на Државната служба за вонредни ситуации.

"Радијациона атмосфера е стабилна, вредностите на површината на почвата и радионуклиди во водата не ги надминуваат нормалните нивоа", нагласуваат спасувачките екипи.

Шумски пожар изби во вторникот околу пладне на територијата на шумарството "Чернобил Гора" во т.н. зона за експропријација. Во гаснењето се вклучија 51 техничка единица и 305 лица, меѓу кои 39 технички единици на Канцеларијата за вонредни ситуации (три пожарникарски авиони и два противпожарни хеликоптери). Персоналот од службата, кој учествува во операцијата, брои 253 лица.

Во вторникот вечерта беше објавено дека огнената стихија е на 5 километри од складиштето за радиоактивен отпад.