Чеченскиот лидер Рамзан Кадиров  вели дека ја следи ситуацијата меѓу Србија и Косово. Според него, таму е многу сложена ситуацијата во која има трет поттикнувач – НАТО. 

„По ова прашање не е можно да се заземе страната ниту на Србите, ниту на Косовците, но постои недвосмислен став кој што и едните и другите треба да го заземат. И оваа позиција, доволно чудно, не е политичка, туку религиозна“, рече Кадиров.

Кажа дека Србија е земја која отворено ја поддржувала Русија „во борбата против нацизмот и сатанизмот во Украина“.

„Претседателот на Србија, Александар Вучиќ, кого добро го познавам, многу добро разбира што е НАТО и какви методи користи алијансата за поттикнување конфликти“, наведува Кадиров. 

Албанскиот премиер Еди Рама реагираше на тензиите на северот на Косово и истакна дека „100 отсто ја поддржува“ владата на Косово.