Денешниот референдум за независност на Шкотска од Велика Британија со огромно внимание го следат и обложувалниците - ако референдумското изјаснување успее и победат шкотските националисти, тие ќе мора да им исплатат милионски суми на обложувачите.

Обложувалницата „Ледброкс“ соопштила дека од понеделникот низ цела земја примила облози во вредност од рекордни 250.000 фунти, а и обложувалницата „Педи пауер“ објави дека вредноста на облозите и кај нив достигната шестцифрена вредност. И други обложувалници признаваат дека голем дел од облозите кои ги примиле неделава се однесуваат за настан надвор од областа на спортот за кој постои огромен интерес кај обложувачите. Освен ова коефициентите за независност на Шкотска биле повисоки. Доколку националистите победат на референдумот, обложувалниците би можеле да изгубат и до милион фунти. Во прилог на тоа говори и еден облог од 20.000 фунти кој би уплатен во „Ледброкс“ во западен Лондон и тоа токму во прилог на независноста на Шкотска. Во Шкотска 30% од обложувачите гласале за опцијата да победат националистите, што е само малку повеќе од 28% колку што за овој табор гласале во другите делови на Британија. Обложување имаше и за излезноста на референдумот - иако првичните очекувања беа дека тоа ќе изнесува 60%, сепак последните показатели говорат дека може да достигне и до 82%, што би бил апсолутен историски рекорд за излезност на Островот.