Туризмот во Турција трпи последици поради одливот на руските туристи.

Во јуни имало пад на туристите од Русија со 98,5% и од Германија со 44,9%. Плажите и хотелите се  пусти во споредба со  минатогодишниот период 1 - 16 јуни, што покажува  пад во туристичкиот поток за 58,7%.

Ова е резултат на инцидентот со соборениот од Турците руски авион во ноември минатата година, а Русија им беше еден од двата најголеми пазари во секторот. Кон оваа криза се додаваат и зачестените терористички напади во Турција, како и политичките потреси во земјата. Сето тоа се рефлектира најмногу во главниот центар на туризмот Анталија, забележува агенцијата “Доган".

Во првите 5 месеци од оваа година бројот на посетителите е намален до 42% во споредба со истиот период лани.

Рекордниот пад на туристи од Русија и Европа доведе до продажба на над 2 000 хотели, како и до масовна рекламна кампања во други земји.

Минимален раст на интересот за одмор во Анталија има од граѓаните на Узбекистан, Саудиска Арабија, Исланд, Албанија, Иран, Грузија, Азербејџан, Литванија, Украина.