Терористичката група „Исламска држава" ги намали платите на нејзините борци во Ирак и Сирија на половина.

Американскиот заменик-министер за финансии, Даниел Глејсер потврди дека „Исламска држава" ги намалила платите, ја одолговлекува исплатата и затоа нејзините борци го напуштаат бојното поле, пишува  „Дејли мејл". За финансиската криза во „Исламска држава" сведочи и фактот дека таа ги оданочи најсиромашните луѓе кои живеат под нејзиното управување, а пред тоа тие беа ослободени од даноци.

Подолго време оваа група се наоѓа во криза, поради што се ориентираат на бизнис со автомбили и риболов за да обезбедат средства за борците.

Во последно време медиумите пишуваат дека ИД може да банкротира. Поради немањето пари, приливот на екстремисти од странство падна на 200 месечно, а пред една година бил 1500-2000 лица.