Бана Алабед, девојче од Алепо познатo во светот по своите твитови напиша отворено писмо до американскиот претседател, Доналд Трамп.

Бана и нејзиното семејство го напуштиле Алепо во декември за време на масовната евакуација, а сега живее во Турција.

„Мора да направите нешто за децата од Сирија бидејќи тие се како вашите деца и заслужуваат мир како вас”- пишува ова седумгодишно девојче. 

Нејзиниот Твитер профил стана познат по пораките од источен Алепо додека беше под опсада.

Нејзината мајка, Фатемах, која ѝ помогнала во активирањето на твитер профилот, испрати текст од писмото до бритaнскиот јавен сервис BBC.

Фатемах рече дека ќерка ѝ го напишала писмото неколку дена пред инаугурацијата на претседателот Трамп. Вели дека го гледала многу пати на телевизија.