Поради бавниот раст на светската економија низ американските големи компании во третиот квартал годинава се укинати повеќе од 200 000 работни места.

Со тоа, најавуваат и нови отпуштања.

Тоа е најголема загуба на работни места од 2009 година, пренесе Ројтерс. Меѓу компаниите кои отпуштаат се и технолошките гиганти Хјулит -Пакард, Џенерал Електрик, биотехнолошката група Биоген, па дури и социјалната мрежа Твитер.

„Компаниите имаат причина да бидат загрижени. Забавувањето на економијата не е силно, но е значајно на глобално ниво. Еднап кога падне склоноста на ризик, се намалува и растот“, рекол Пол Хофмајстер, менаџер во фондот Квекер.

Сепак изгледа дека проблемите не се во сите сектори. Мајкрософт, Амазон и Алфабет, новата холдинг компанија на Гугл, минатата недела воодушевија со своите бизнис резултати во третиот квартал.