Кризата во Украина е на пауза врува германскиот министер за надворешни работи Франк-Валтер Штајнмаер, но таа треба да биде дипломатски искористена, објави германскиот весник „Билд“. - Оваа шанса мора да биде искористена за стабилизирање на политичката ситуација и во иднина, можеби да се постигне напредок, изјави Штајнмаер по вчерашниот состанок во Атина со министрите за надворешни работи на земјите членки на ЕУ. Од Русија очекуваме понатамошни чекори што ќе овозможат да веруваме дека Русија сака деескалација на конфликтот, нагласи германскиот министер, додавајќи дека останува на ставот за формирање меѓународна контакт група, со учество на Русија и Украина, за стабилизирање на ситуацијата.