Шојгу објасни зошто успорија со воените дејствија во Украина
Воената кампања во Украина е намерно успорена за да се намалат цивилните жртви, вели рускиот министер за одбрана Сергеј Шојгу.
Русија во Украина во последните месеци направи мал напредок, откако нејзините трупи се повлекоа од Киев во првите седмици на војната, пишува Ројтерс.
„Сè се прави за да се избегнат жртви меѓу цивилите. Нормално, тоа го успорува темпото на офанзивата, но ние тоа го правиме намерно“, кажа Шојгу на состанок на министрите за одбрана на Шангајската организација за соработка во Узбекистан.
Денеска се навршија шест месеци од почетокот на војната во Украина.
Турскиот претседател Реџеп Таип Ердоган изјави дека Русија треба да го врати Крим на Украина.
Слично
Поврзани вести
