Најмалку шест лица загинаа, а четворица се повредени во пожар што избувна вораните утрински часови во ноќен клуб во Мурсија, Шпанија, соопшти градскиот совет.

Повредените се две жени на возраст од 22 и 25 години и двајца мажи на возраст од 41 и 45 години, кои сите биле пренесени во болница поради вдишување чад, се наведува на веб-страницата на итната помош во Мурсија.

„Загрижен сум и многу вознемирен од вестите што доаѓаат од таму. Службите за итни случаи продолжуваат со работа“, објави претседателот на регионот Мурсија на Твитер.

Во моментот на инцидентот биле испратени служби за итни случаи, а локалните пожарникари побарале интервенција со хеликоптер од Генералната дирекција за безбедност и вонредни состојби, соопштија од службите за итни случаи, додавајќи дека копнените ресурси биле доволни за гаснење на пожарот.

„Генералниот директор за безбедност и итни случаи, Рикардо Виљалба, е на лице место и ги координира со Градскиот совет на Мурсија потребните средства за справување со оваа трагедија“, соопштија од службите за итни случаи, пренесува CNN.

„На местото се очекува да пристигне потпретседателот и министер за внатрешни работи, вонредни ситуации и територијално планирање, Хозе Анхел Антело“, додаваат тие.

Во блискиот Паласио де лос Депортес беше формиран информативен простор за роднините на жртвите, каде тим од психолози ќе има задача да пружи помош.

ФОТО: José Ballesta/Twitter