Шефот на Пентагон, Лојд Остин, по разговорот со рускиот министер за одбрана Сергеј Шојгу изјави дека големите сили треба да дадат пример за транспарентност и комуникациски вештини.

Тој на прес-конференцијата јасно стави до знаење дека тема на разговорот, прв од крајот на октомври минатата година, бил инцидентот со американскиот дрон над Црното Море.

- Штотуку го завршив телефонскиот разговор со мојот руски колега, министерот Шојгу. Како што многупати кажав, важно е големите сили да послужат како модел за транспарентност и комуникација – рече Остин.

Тој повтори дека САД ќе летаат таму каде што дозволува меѓународното право и ја повика руската воена авијација да дејствува „безбедно и професионално“.

Руското Министерство за одбрана претходно соопшти дека во вторник наутро американски дрон МК-9 со исклучени транспондери ги нарушил границите на подрачјето на привремениот режим на воздушен простор над Црното Море.

-Авионот без екипаж се движел кон руската граница, руски ловци биле лансирани во воздух за да го идентификуваат. Поради ненадејно маневрирање, дронот влегол во неконтролиран лет со губење на висината и паднал во водата. Руските ловци не стапиле во контакт со МК-9, не користеле воздушно десантно оружје и безбедно се вратиле на аеродромот на нивната база, соопшти руското Министерство за одбрана, пренесе РИА.