Германија би можела да се соочи со повеќе бранови на инфекција со коронавирус доколку повеќе луѓе не се вакцинираат, предупреди во саботата Лотар Вилер, претседател на германскиот институт Роберт Кох.

„Ако намалувањето на социјалните контакти и зголемувањето на стапките на вакцинација не ја подобрат значително ситуацијата, сегашните анализи сугерираат дека ќе доживееме и петти бран на инфекција“, рече Вилер.

Германија во моментов се бори со четвртиот бран на пандемијата на коронавирус, а на земјата и се заканува вонредна состојба, рече тој неодамна.

Вилер истакна дека моменталното однесување на луѓето ќе ги одреди ситуациите оваа зима. Тој додаде дека е штета што повеќе луѓе не се одлучиле за овие релативно лесни чекори.

Тој повторно апелираше до луѓето да избегнуваат поголеми собири и настани кои се случуваат во затворени простории.

Вилер изјави и дека е неопходно превентивно да се делува во оние федерални земји кои не се толку лошо погодени, а како пример го посочи ограничувањето на контактите.

Тој повика на поголема реакција на вакцинацијата, но предупреди дека тоа нема да биде доволно, но и дека е неопходно ограничување на контактот за да се спречи побрзо зголемување на бројот на заболени.

„Вакцината е излез од пандемијата“, рече тој. Сепак, тој нагласи дека нема 100 отсто заштита иако вакцините обезбедуваат многу висок степен, особено против потешките форми на болеста.

Институтот Роберт Кох апелира да се вакцинираат повеќе луѓе и смета дека најмалку 85 отсто од граѓаните на возраст од 12 до 59 години и 90 отсто од граѓаните над 60 години треба да бидат целосно вакцинирани.

Извор: Индекс.хр