Иако во Северна Кореја едвај 5 илјади лица знаат да скијаат, диктаторската држава се подготвува да го започне својот најнов мегапроект во обид да му покаже на светот колку напредна е во културна смисла , пишува британскиот весник Express. Чини милиони фунти и „Masik Pass " е резултат на 10- месечна макотрпната работа. Според планот , тој треба да претставува комплекс од скијачки писти, туристички вили и лизгалишта за санки , иако на крајот на минатиот месец главните хотели едвај започнати, многу од патиштата се полни со дупки, а основите на голем број згради засега само се копа . Нема одговор и на прашањето кој всушност ќе го користи одморалиштето . Иако лидерот Ким Џонг Ун е скијач , од вкупно 24 милиони Севернокорејци овој вид спорт го практикуваат само 0,02 % од населението. Истовремено, не се проектирани лифтови во центарот. „Masik Pass" е уште еден раскошен , монументалниот проект во сиромашната држава. Во главниот град Пјонгјанг има многу забавни паркови , импресивни бронзени статуи, а населението живее во услови на недостаток на сигурно снабдување со електрична енергија , а храната е ретка стока за многумина. Моментот во кој се почнува проектот не е случаен , но предизвикува збунетост. Јужна Кореја ќе биде домаќин на Зимските олимписки игри во 2018 година, па без сомнение нејзиниот северен сосед одлучил да направи нешто за да не биде инфериорен во однос на другите. „Masik Pass " е лоциран на источниот брег на Северна Кореја и до него може да се стигне само по тесен пат низ планинските терени , мали села и густите шуми . Во моментов ски патеките личат на долги ленти прав , прошарани со камења и плевел. При завршувањето во одморалиштето треба да има два основни хотели - еден на 8 ката со 250 соби за странци и уште еден со 150 соби за Корејците . Властите велат дека одморалиштето ќе биде вистинско „чудо" , но признаваат дека нема да биде завршен до четврток, за кога беше планирано неговото отворање. Тие ги отфрлаат обвинувањата дека центарот ќе служи како место за забава за локална елита и мал број ексцентричен туристи . Напротив - очекуваат јата од посетители кои ќе пристигнат тука со приватни авиони или на најблискиот аеродром. Во Северна Кореја спортот се " рекламира" како начин за енергизирање и мобилизирање на масите . Во последните месеци во земјата изникна огромен број спортски паркови, кошаркарски игралишта и лизгалишта на мраз. Многу малку Севернокорејци ќе можат да си дозволат да дојдат во „Masik Pass " , но властите тврдат дека би можеле да нудат одмор овде како награда за лојалност и високи работни достигнувања.