Весникот на севернокорејскaта влада предупреди за растечката закана од нуклеарна војна, по распоредувањето на САД на противракетен систем THAAD во Јужна Кореја.

„Откако системот се воведе во употреба, САД ќе добие можност да врши превентивни удари во секое време против територии на Русија и Кина, кои се целосно против нејзиното распоредување сега„, пишува весникот „Минджу Чосон„.

Првите две ракети на системот веќе се достапни во воената база, која се наоѓа на околу 70 километри од Сеул. Имплементирање на системот предизвика низа протести во Јужна Кореја, бидејќи тоа ќе влијае на економијата и животната средина на земјата.

"Заканата од нуклеарна војна ќе се зголеми. Режимот во Јужна Кореја, кој делува како полтрон на САД, е срам за нацијата“, се додава во весникот.

Потсетуваме дека на 7 март Пацификчката команда на САД објави дека земјата почнала распоредување на противракетниот систем THAAD во Јужна Кореја. Тој ќе биде воведен во употреба во рамките на 1-2 месеци.

Целта на системот е да се спротивстави на нуклеарната закана од Северна Кореја.