Колумбиските вооружени сили го уапсија моментално најмоќниот шверцер на дрога од смртта на озлогласениот Пабло Ескобар,  Даиро Антонио Усуга, познат како Отониел, водачот на моќниот картел Клан дел Голфо (Клан на Заливот). Тој бил уапсен во џунглата.

Властите соопштија дека разузнавањето предводено од САД и Велика Британија обезбедило доволно информации дека повеќе од 500 војници и припадници на колумбиските специјални сили ќе го пресретнат Отониел во џунглата во провинцијата во северозападниот дел на земјата и ги пробиле осумте гардиски прстени кои постојано го следеле. Еден полицаец е убиен во акција под кодно име „Операција Озирис“.

- Отониел беше најстрашниот шверцер на дрога во светот, убиец на полицајци, војници, социјални водачи и регрутирање деца - изјави колумбискиот претседател Иван Дјук по апсењето на криминалецот.

„Овој удар е споредлив само со падот на Пабло Ескобар во 1990-тите“, додаде Дјук.

Отониел ја започна својата кариера, со неговиот брат Хуан Диос, како борец во левичарската герилска група Армија на народно ослободување. Тие не беа водени од идеолошки импулси, па кога Армијата потпиша мировен договор со владата во 2006 година, Отониел и неговиот брат одбија и пребегнаа во криминалното подземје и почнаа да спроведуваат операции во стратегискиот регион Голфо де Ураба на север. Картелот подоцна го добил името по топонимот. Повеќето пратки на кокаин се движат на север од Голфо де Ураба. Подоцна, тие ќе почнат да поддржуваат десни герилски групи.

Братот бил првиот водач на криминалната организација, но бил убиен во 2012 година во рација на новогодишната ноќ. Отониел избегал и го презел картелот.

Тој и неговите крволочни луѓе брзо станаа познати како брутални убијци и насилници, особено на девојчиња. Се проценува дека во моментот на апсењето, Клан дел Голфо имал околу 1.200 членови, од кои повеќето биле регрутирани од радикални десничарски паравоени групи. И тие работат во 10 од 32 провинции во Колумбија.

Покрај нивната основна дејност, дрогата, тие биле вклучени и во нелегално ископување рудници, а областа во која работеле била контролирана со насилство: локалните лидери кои би им се спротивставувале исчезнувале. Заработувале и од изнуда. Нивниот дофат бил широк, членовите на групата беа апсени во Аргентина, Бразил, Хондурас, Перу и Шпанија.

Американското обвинителство го прогласи кланот за „тешко вооружена, екстремно насилна криминална организација“.

Како и секој мафијаш, Отониел се криел во оддалечените рурални делови на земјата, во џунглата, менувајќи ги куќите каде што спиел секоја вечер. Но, секогаш до себе морал да има ортопедски душек на кој спиел поради повреда на грбот, искривување на дискот.

Куќите во кои престојувал не биле палати, туку имале сателитски антени, а полицијата во нив наоѓала скапи парфеми, одбрани пијалоци и храна.

Тој успешно се криеше со години, бидејќи во регионот Ураба бешестрав и трепет, па безбедносните сили беа немоќни да се обидат да го лоцираат. Исто така, користел обучени кучиња за да го предупредат доколку се појави личност која не ја познаваат. Властите успеале да фатат едно од кучињата и да го обучат да го бара Отониел.

Речиси изненадувачки беше видеото што го објави една година по доаѓањето на папата Франциско во земјата. Тој, исто така, побара на неговата група да и се дозволи да го остави оружјето и да се демобилизира како дел од мировниот процес што го започна владата со ФАРК (Револуционерни вооружени сили на Колумбија). Владата тоа не го прифати. Едните се бунтовниците, другите бруталните криминалци.

Темните облаци над кланот почнаа да се појавуваат во март оваа година кога беше уапсена Нина Јохана Усуга, сестрата на Отониел. Таа беше задолжена за управување со средствата кои доаѓаа од „работата“, а примарна работа беше перење на „валканите“ пари. Таа ја презеде работата во 2015 година по апсењето на Бланка Сенобија Мадрид Бенжума, „Ла Флака“, слаба партнерка на Отониел.

Во јули годинава колумбиските безбедносни сили во соработка со Панама и САД заплениле 5,4 тони кокаин што му припаѓал на Отониел. Тоа беше тежок удар. Апсењето е продолжение на успешната серија операции и нивна кулминација.

Серхио Гузман, директор на компанијата за анализа на ризик во Колумбија, верува дека наскоро ќе се појави нов лидер, што ќе биде уште полошо.