Секое четврто домаќинство во рецесијата која ја погоди Италија, има рпоблем со плаќање на сметките и данокот, а дури 70 посто од нив тешко би нашле пари за поголеми непредвидени трошоци, објави истражувачката агенција Цензис. Во поголемиот дел од земјата, ситуацијата е многу чувствителна, економската неизвесност создава загриженост во многу семејства, додека Италија се обидува да се извлече од надолгата рецесија во повеќе од две децении, стои во годинешниот извештај на Цензис. Истражувањето опфатило 1.200 домаќинства и покажало дека, 69 отсто од домаќинствата сметаат дека им паднала куповната моќ во 2013 година.