Шпанскиот производител на автомобили „Seat“, е филијала на германската компанија „Volkswagen“, за опрема од 2009 година наваму, и има над 500 000 возила со софтвер за манипулација на еко тестовите за издувните гасови, соопштува „Франс Прес“.

Портпаролот на групата призна дека „Seat“ е опремен на некои од своите автомобили со моторите „ЕА189“ на групата „Volkswagen“.

Шпанскиот производител продал 378 586 возила во 2014 година и околу 2 милиони - бензински и дизел - во последните десет години, по пресметките на весникот „Паис“.

„Seat“ потврдува дека сите негови нови автомобили, кои се продаваат во ЕУ се со мотори (EU6), и одговараат без исклучок на законските барања и еколошките норми, вклучувајќи го и новото правило против загадување на животната средина Евро 6 (Euro 6), кое стапи на сила на 1 септември .

Пред неколку дена најголемиот европски производител на автомобили „Volkswagen“ призна дека е опремен со софтвер за манипулации и дека продал над 11 милиони мотори од типот „EA 189“ низ целиот свет.

Скандалот ја потресе не само една цела индустрија, туку доведе и до оставката на главниот извршен директор Мартин Винеркорн. Во петокот надзорниот одбор ќе заседава прекувремено за да избере негов наследник.