Бројот на загинати од најсилниот земјотрес што ја погоди кинеската југозападна провинција Сечуан од 2017 година се искачи на 65 во вторникот, додека спасувачите се обидуваа да стигнат до стотиците луѓе кои останаа блокирани, да ја обноват инфраструктурата и да достават помош.

Според кинеските државни медиуми, речиси 250 лица добиле лекарска помош, а десетици се со сериозни повреди.

Спасувачите, исто така, работат на извлекување на повеќе од 200 лица заглавени во зоната на земјотресот, обновување на телекомуникациските услуги и снабдувањето со електрична енергија и вода, како и доставување храна до жителите погодени од земјотресот со јачина од 6,8 степени, објавија државните медиуми.

Силен земјотрес го погоди Сечуан во понеделникот попладне, со епицентар длабоко во планинската внатрешност на провинцијата на запад. Земјотресот бил почувствуван дури и во провинциите Шанкси и Гуиџоу, оддалечени стотици километри.

In southwest China's Sichuan province, 65 people have died, over 240 are injured and 12 others are missing after a magnitude-6.8 earthquake hit Luding county in the Ganzi Tibetan Autonomous Prefecture on Monday. Search & rescue continues as aid pours in.#Sichuanearthquake #Ganzi pic.twitter.com/hpvebS5TZn

— CGTN Global Watch (@GlobalWatchCGTN) September 6, 2022

Во вторникот државната телевизија објави дека повеќе од 200 луѓе сѐ уште се блокирани во Хајлуогу, популарно туристичко место познато по глечерите, зелените шуми и високите врвови. Спасувачите сè уште работеа на повторно отворање на блокираните патишта за да стигнат до нив.

#Latest Over 50,000 people have relocated as of Tue morning after a 6.8-magnitude #earthquake jolted Luding in #Sichuan. As of 7 am Tue, 10 aftershocks of 3.0-magnitude or above have been recorded. pic.twitter.com/etGtCREpia

— Zhang Meifang(@CGMeifangZhang) September 6, 2022

Во Лудинг, епицентарот на земјотресот, сериозно се оштетени електроенергетската и водоводната инфраструктура и телекомуникациите, јавува државната телевизија. Таа извести и дека се урнале 243 куќи, а 13.010 биле оштетени. Оштетени се и четири хотели и стотици куќи за одмор.

Земјотресот го прекина снабдувањето со електрична енергија во неколку градови, додека некои автопати пропаднаа, а оштетени се седум мали и средни хидроцентрали. Со обилни врнежи кои се очекуваат во следните три дена, експертите во вторникот предупредија на ризиците од бројните езера кои се формираа по земјотресот.

Земјотресите се вообичаени во Сечуан, особено во неговите западни планини, тектонски активна област долж источната граница на Кингхај-тибетската висорамнина.

Земјотресот во понеделникот беше најсилен во Сечуан од август 2017 година, кога земјотрес со јачина од 7 степени ја погоди префектурата Аба северно од Лудинг. Во последните децении, најразорниот земјотрес во Сечуан и Кина беше во 2008 година, кога во земјотрес со јачина од 8 степени според Рихтеровата скала со центар во Венчуан загинаа речиси 70.000 луѓе.

фото: Твитер Printscreen