Во пожар во фабрика во централна Кина загинаа десетици луѓе, според кинеските државни медиуми, што е последната во низата фатални индустриски несреќи што ја погодија земјата во последниве години.

Државниот весник Хенан Дејли во вторникот објави дека две лица претходно пријавени за исчезнати биле пронајдени мртви по пожарот во фабриката во Ањанг, провинцијата Хенан, со што бројот на загинати се искачи на 38.

Двајца други се згрижени поради полесни повреди, објави во вторникот државната телевизија CCTV.

Полицијата приведе неодреден број осомничени во врска со пожарот, за кој на пожарникарите им беа потребни речиси седум часа да го изгаснат, според CCTV.

Според прелиминарните наоди, пожарот бил предизвикан од прекршување на протоколите за електрично заварување, објави Хенан Дејли, повикувајќи се на властите.

Кина во последниве години забележа серија индустриски несреќи кои оставија голем број мртви, предизвикувајќи загриженост за јавната безбедност.

Large-scale fire in China kills 36 people - Reuters

It happened at the factory of Kaixinda Trading Co Ltd in the Chinese city of Anyang. pic.twitter.com/oByRPzHlRH

—C.A. Tim Gravett(@TimGravett) November 22, 2022

Во 2015 година, најмалку 173 луѓе загинаа по серија експлозии во складиште за хемикалии во северниот пристанишен град Тијанџин.

Во октомври минатата година, најмалку три лица загинаа, а повеќе од 30 беа повредени во силна експлозија во ресторан во североисточниот град Шенјанг. Експлозијата на гас се случила во станбена и комерцијална зграда со мешана употреба.

A fire at a factory in the central Chinese city of Anyang has killed 36 people, left two others missing and sent another two to hospital. pic.twitter.com/nrvGchoLzL

— South China Morning Post (@SCMPNews) November 22, 2022

И во јуни оваа година, најмалку едно лице загина откако избувна пожар во петрохемиски комплекс во Шангај.