Новата фантастична станбена палата Chateau Des Fleurs во предградието Бел Ер во Лос Анџелес нуди нешта , какви што досега немало во куќите на супербогаташите . Во него има специјализирани соби , каде на идниот сопственик ќе може да му се вбризгува ботокс или да му се белеат забите ако треба да држи говор , да учествува во ТВ пренос или да се покаже на прием , тврди британскиот весник " Дејли мејл" . Според изданието , тоа не е прашање само на луксуз , раскош или уживање , туку и на прагматизам . Ако познат бизнисмен отиде во болница , тоа може да доведе до паѓање на акциите на неговата компанија . Зошто да нема живеалиште , каде што ќе може да се вршат лекарски процедури ? Сакате сопствено одделение за интензивна терапија зад кујнската ѕид ? Молам! Архитектите и дизајнерите кои работат на пазарот на бескрајниот луксуз , се обидуваат да ги исполнат најнеочекуваните желби на своите клиенти . Така тие формираат нов стандард за домовите на супербогаташите , заклучува весникот. Инаку Chateau Des Fleurs има површина од 5600 квадратни метри и чини 100 милиони долари. Базенот , спалните , домашниот ресторан , тениско игралиште или терен за сквош , огромен салон за приеми, се веќе тривијално уживање.