Главниот град на Украина и многу други градови се под ракетен напад, објави денеска заменик-шефот на кабинетот на украинскиот претседател Кирил Тимошенко, повикувајќи ги луѓето да останат во засолништа, а очевидци јавуваат за експлозии во рускиот град Белгород.

На социјалните мрежи се шират различни видеа од нападот, меѓу кои и она на кое се гледа кратерот на детското игралиште кое се наоѓа во паркот на населбата Шевченко во Киев.

„Имаше нишалки на местото на кратерот“

It is a children playground in Shevchenka park in the very Kyiv center, one of the most vivid areas where families are always present. I walked here regularly. It was one the first places in Kyiv I visited in 2014, and one of the last I visited in 2022. pic.twitter.com/e5HtFIMdHT

— Sergej Sumlenny (@sumlenny) October 10, 2022

„Зборуваме за игралиштето Шевченко, кое се наоѓа во парк во центарот на Киев. Тоа е многу посетена област, каде што редовно доаѓаат семејства со деца“, напиша Сергеј Сумлени на Твитер.

Еден од коментаторите под објавата напиша дека порано имало нишалки на местото на кратерот и дека во попладневните часови игралиштето обично е полно со деца.

Автентичноста на снимката од нападот на детското игралиште не е независно проверена.

Индекс.хр