Ерупцијата на вулканот на островот Анак Кракатау во Индонезија исфрли колона од пепел во висина од 3 километри, соопштија денеска индонезиските власти.

Од петокот вечерта, овој вулкан, кој се наоѓа во индонезискиот теснец Сунда помеѓу островите Јава и Суматра, еруптирал најмалку седум пати, според Центарот за вулканологија и геолошки опасности на Индонезија, пренесува АП.

Indonesia’s Anak Krakatau volcano erupted twice, spewing ashes almost two miles high into the sky https://t.co/Vldyr431jr pic.twitter.com/ObaNFU8jo7

— Reuters (@Reuters) June 9, 2023

Центарот соопшти дека ова е најдолгата ерупција од 2018 година, кога подводниот дел од вулканската планина се урна и предизвика смртоносни цунами долж бреговите на Јава и Суматра.

Тогаш повеќе од 430 луѓе загинаа во цунамито предизвикано од уривањето на планината на островот Анак Кракатау, додека 40.000 луѓе беа раселени.

Новата ерупција не однесе човечки животи, но локалните власти во мај ги предупредија островјаните и туристите да останат на 5 километри од кратерот на вулканот бидејќи дотогаш посетителите одеа на врвот на вулканската планина за да набљудувајте ги спектакуларните глетки во кратерот на вулканот.