Весникот Вашингтон пост објави дека се подгтовува да го продаде своето седиште, модерна зграда во центарот на Вашингтон, сместена во непосредна близина на Белата куќа. Седиштето на Вашингтон пост ќе биде продадено на една агенција за недвижности, по цена од 159 милиони долари. Купопродажниот договор би требало да биде заклучен до крајот на март идната година, прецизираше весникот на својата интернет страница. Весникот, кој оваа есен за 250 милиони долари го откупи основачот на амазон, Џеф Безос, ќе продолжи да ја користи зградата како свое седиште се додека не се пронајде нов соодветен деловен простор.