Шведскиот премиер Улф Кристерсон изјави во интервју за шведските медиуми дека земјата е подготвена да ѝ помогне на Украина во областа на воздушниот надзор и поморските ресурси.

Премиерот не одговори на прашањата за испраќање копнени сили во Украина.

„Не станува збор, мислам, за преместување на многу големи единици од други земји во Украина, туку за преземање одговорност од страна на Украина за сопствената земја на начин што е толку кредибилен што Русија нема да се обиде повторно“, рече Кристерсон.

Во исто време, тој уверува дека Шведска сака да биде вклучена во обезбедувањето безбедносни гаранции за Украина. 

„Сакаме да бидеме вклучени, но тоа мора да биде во форми што се безбедни и сигурни и каде што знаете во што се впуштате“, кажа премиерот. 

Британија веќе се изјасни дека е подготвена да го чува украинското небо. САД сака брзо завршување на војната во Украина која почна пред три и пол години. 

foto EPA/OLEG MOVCHANIUK