Инспекторите од Тексас се обидуваат да утврдат какви критични грешки биле направени при одговорот на смртоносното пукање во училиште во Јувалде, вклучувајќи го и прашањето зошто речиси 20 полицајци останале пред училницата додека децата повикувале помош. Во фокусот на истрагата на Одделот за јавна безбедност на Тексас е и прашањето зошто полицајците чекале во ходникот речиси еден час пред да влезат и да го убијат напаѓачот.

Со сè повеќе повици за независна истрага и зголемени критики за полицискиот одговор, полицијата од Хјустон и Далас пристигна во Јувалде за да им помогне на локалните сили. Инспекторите во меѓувреме се уште трагаат по мотивот за нападот. Салвадор Рамос, 18-годишен средношколец кој го напуштил средното образование, немал криминално досие и немал историја на ментална болест, а неговите пораки кои ги испраќал на социјалните мрежи се повеќе излегуваат на виделина.

Најмалку две деца повикале помош од неколку соседни училници од четврто одделение, откако Рамос во вторникот влегол во училиште со полуавтоматска пушка АР-15, изјави на почетокот на неделава началникот за јавна безбедност на Тексас, Стивен Мекрој. Од училиштето биле испратени вкупно најмалку осум повици за брза помош додека полицијата чекала надвор.Две деца кои повикале помош преживеале.

Мекрој нагласи дека погрешно ја утврдиле локацијата на Рамос во училиштето и мислеле дека децата повеќе не се во животна опасност.

„Тоа беше погрешна одлука и поента“, истакна Мекрој, признавајќи дека стандардните протоколи бараат полицијата веднаш да се соочи со активен напаѓач во училиштето, наместо да чека помош.

Агентите на тактичката гранична патрола на местото на настанот беа фрустрирани од недостатокот на јасни инструкции од командантот, верувајќи дека тоа ги одложи напорите да се запре нападот, изјави полициски извор. 

Официјалните извештаи за одговор на полицијата не даваат јасни одговори. Гувернерот на Тексас, Грег Абот, ден по убиството ја пофалил храброста на полицијата, а во петокот рекол дека е „гневен“ затоа што истражителите го довеле во заблуда за таа информација.

Демократот од Тексас, Хоакин Кастро, повика на независна истрага на ФБИ, а во петокот го посети училиштето и изјави дека е длабоко вознемирен поради контрадикторните информации што се појавија.