Луѓе бегаат од трговски центар во градот Манчестер во Англија. 

Новинската агенција Ројтерс цитира сведоци како велат дека слушнале силен тресок.

Едно лице е уапсено, потврдуваат од полицијата. 

Претходно најмалку 22 луѓе беа убиени, а околу беа 59 ранети во експлозија пред арената во Манчестер каде американската поп пејачка Аријана Гранде имаше концерт. Сведоци изјавија дека слушнале голема експлозија вчера околу 21 часот и 45 минути по локално време во моментот кога луѓето излегувале од арената.

Во меѓувреме и британската премиерка Тереза Меј изјави дека „нема сомнение“ дека експлозијата на концертот во Манчестер ноќта на 22 мај е „груб терористички напад“ и дека полицијата го утврдила идентитетот на напаѓачот. За неа тоа е варварски чин и изрази сочувство до граѓаните. Мејл вели дека граѓаните треба да бидат претпазливи, но не и исплашени, затоа што според неа терористите сакаат да ги поделат луѓето.